Хуулийн нэр томъёоны тодорхойлолт

Эх сурвалж

Холбогдох хууль

Кампанит ажилд нэгдэх

Гарын авлага, брошур

	Нэр томъёоны тайлбар

1	Жендэр	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар улс төр, эрх зүй, эдийн засаг, нийгэм, соёлын ба гэр бүлийн харилцаанд эрэгтэй, эмэгтэй хүний гүйцэтгэх үүрэг, хүлээх хариуцлага, тэдний нийгэмд эзлэх байр суурийн талаар уламжлагдан тогтсон, түүхэн явцад хувьсан өөрчлөгддөг ойлголт, үзэл, хандлагыг.
2	Жендэрийн эрх тэгш байдал	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар эрэгтэй, эмэгтэй хүн улс төр, эрх зүй, эдийн засаг, нийгэм, соёлын ба гэр бүлийн харилцаанд тэгш эрхтэй оролцож, эдийн засаг, нийгэм, соёлын хөгжлийн үр шимээс тэгш хүртэж, хөгжилд эрх тэгш хувь нэмрээ оруулснаар жендэрийн ялгаварлан гадуурхалтаас ангид байхыг.
3	Жендэрийн хэвшмэл үзэл	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар улс төр, эдийн засаг, нийгэм, соёлын ба гэр бүлийн харилцаанд эрэгтэй, эмэгтэй хүний гүйцэтгэх үүрэг, эдлэх эрхийн талаар хүйсийн шинжээр уламжлагдан тогтсон ялгаатай ойлголт, хандлагыг.
4	Жендэрийн ялгаварлан гадуурхалт	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар улс төр, эрх зүй, эдийн засаг, нийгэм, соёлын ба гэр бүлийн харилцаанд болон аливаа бусад салбарт эрэгтэй, эмэгтэй хүнийг хүйсийн шинж, гэрлэлтийн байдлаар ялгаварлах, үгүйсгэх, хязгаарлах үйлдэл, эс үйлдэхүйг.
5	Жендэрийн шууд ялгаварлан гадуурхалт	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар бусдыг хүйсээр ялгаварлаж адил буюу ижил төстэй нөхцөлд эсрэг хүйсийн хүнээс ялгаатай байдалд хүргэсэн, эсхүл хүргэхийг оролдсон үйлдлийг.
6	Жендэрийн шууд бус ялгаварлан гадуурхалт	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар хүйсэд хамааралгүй аливаа стандарт, хэм хэмжээ, үйлдэл нь хүнийг эсрэг хүйсийн хүнээс ялгаатай байдалд хүргэхийг.
7	Бэлгийн дарамт	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар бусдыг хүсээгүй байхад нь бэлгийн сэдлээ үг хэлээр, биеэр буюу өөр хэлбэрээр илэрхийлсэн, эсхүл хурьцал үйлдэхээс аргагүй байдалд оруулсан, мөн бэлгийн сэдлийн улмаас ажил, албан тушаал, эд материал, сэтгэл санааны болон бусад байдлаар хохироох үр дагавар бүхий тэвчишгүй орчин үүсгэх, айлган сүрдүүлэх, тулган шаардах зэрэг үйлдэл, эс үйлдэхүйг.
8	Жендэрт суурилсан хүчирхийлэл	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар жендэрээс үүдэлтэйгээр бусдад бие махбодийн, бэлгийн, сэтгэл санааны гэм хор, эдийн хохирол учруулсан, учруулж болзошгүй үйлдэл, эс үйлдэхүйг.
9	Хүйсийн төлөөллийн доод хязгаар (квот)	Үгний тайлбар үзэх
Жендэрийн эрх тэгш байдлыг хангах тухай хуульд (2011) зааснаар удирдах албан тушаал дахь эрэгтэй, эмэгтэй хүний төлөөллийн доод хувь хэмжээг.
10	Гэрлэлт	Үгний тайлбар үзэх
Гэр бүлийн тухай хуульд (1999 он) зааснаар хуулиар тогтоосон насанд хүрсэн эрэгтэй, эмэгтэй хоёр, сайн дурын, чөлөөтэй, тэгш эрхийн үндсэн дээр гэр бүл болох зорилгоор хуульд заасны дагуу төрийн эрх бүхий байгууллагад бүртгүүлэхийг.
11	Гэр бүл	Үгний тайлбар үзэх
Гэр бүлийн тухай хуульд (1999 он) зааснаар гэрлэлтийн үр дүнд буй болсон, эд хөрөнгийн бус амины болон эд хөрөнгийн эрх, үүргээр холбогдсон хамтын амьдрал бүхий гэр бүлийн гишүүдийг.
12	Гэрлэгчид	Үгний тайлбар үзэх
Гэр бүлийн тухай хуульд (1999 он) зааснаар гэрлэлтээр холбогдсон харилцан тэгш эрх эдэлж, адил үүрэг хүлээх нөхөр, эхнэрийг.
13	Гэр бүлийн гишүүн	Үгний тайлбар үзэх
Гэр бүлийн тухай хуульд (1999 он) зааснаар гэрлэгчид, тэдэнтэй хамт амьдарч байгаа төрсөн, дагавар, үрчлэн авсан хүүхэд болон төрөл, садангийн хүнийг.
14	Төрлийн хүн	Үгний тайлбар үзэх
Гэр бүлийн тухай хуульд (1999 он) зааснаар гэрлэгчийн эцэг, эх, өвөг эцэг, эмэг эх, ач хүү, ач охин, зээ хүү, зээ охин, тэдгээрийн хүүхдийг.
15	Садангийн хүн	Үгний тайлбар үзэх
Гэр бүлийн тухай хуульд (1999 он) зааснаар гэрлэгчийн төрсөн ах, эгч, дүү, авга, нагац, тэдгээрийн хүүхдийг.
16	Овог	Үгний тайлбар үзэх
Гэр бүлийн тухай хуульд (1999 он) зааснаар нэг өвөг дээдсээс гаралтай эцгийн талын холбоо бүхий бүлэг хүмүүсийн дунд үе уламжлан хэрэглэгддэг нэрийг.
17	Гэр бүлийн хүчирхийлэл	Үгний тайлбар үзэх
Гэр бүлийн хүчирхийлэлтэй тэмцэх тухай хуульд (2016 он) зааснаар энэ хуулийн 3 дугаар зүйлд заасан этгээд энэ хуулийн үйлчлэлд хамаарах хүний сэтгэл санаанд дарамт учруулах, эдийн засаг, бэлгийн эрх чөлөө, бие махбодод халдсан үйлдэл, эс үйлдэхүйг.

A

A

A

A

A