Бяцхан үрсийн тань нас насандаа ойлгох, сурах боломжтой зүйлс, сэтгэлзүй, хөгжлийн үйл явц өөр өөр байдаг. Тэгвэл дөнгөж хөлд орсон 1-2 настай хүүхдийн тань сэтгэлзүй, хөгжлийн онцлог ямар байдаг вэ?

1-2 настай  хүүхдийн сэтгэлзүйн онцлог

• 1-2 насандаа дөнгөж хөлд орж буй бяцхан хүүхдүүд тань уур бухимдал, гэм буруу, ичгүүр, өмчлөх, харамлах сэтгэл хөдлөлийг мэдэрч эхэлдэг. 
• Хүүхэд 18 сар хүртлээ эргэн тойрны хүмүүс, ээж ааваасаа холдохоос айх мэдрэмж нь хамгийн дээд цэгтээ байдаг.  Харин  хоёр наснаас хойш энэ мэдрэмж тогтворжиж эхэлдэг.
• Хүүхэд энэ насандаа  өөрт төрж  буй мэдрэмжээ үг холбон хэлэх, үйлдлээрээ үзүүлэхийг оролддог. Ээж аавыгаа үнсэх, хүүхэлдэйг тэврэх зэргээр хайраа илэрхийлж сурдаг           

1-2 настай  хүүхдийн хөгжлийн онцлог

1 нас 3 сар

Хүүхдийн ойлгож буй үгийн нөөц хурдан олширно. Шулганаан дундаа зарим үгийг хэрэглэж эхэлнэ. 3 см-ын зөрөөтэй том жижиг зүйлүүдийг хооронд нь ялгаж чадна

Урьд нь сурсан зүйлсээ давтах чадвартай болно. Явдал ихсэнэ, тонгойж чадна. Хагас сууна, эргэнэ, хойшоо ухарна. Өтгөн хоолыг өөрөө халбагадаж иднэ.

1 нас 6 сар

Хоорондоо төстэй чанараар нь эд юмсыг хооронд нь хамааруулж чадна. Хүсвэл хялбарчилсан болон зөв үгийг хэрэглэнэ. Ялгаатай 3-4 хэлбэр дүрсийг ялгаж чадна. Том хүний хийдэг байнга ажиглаж нүдэлсэн хөдөлгөөнүүдээс тоглохдоо хэрэглэнэ. Хөлөө зөөн саадыг давна. Шингэн хоолыг өөрөө халбагадаж иднэ.

1 нас 9 сар

Энгийн хялбар асуултанд хариулна. Зураг дээр харуулан ярьж өгсөн хялбар түүхийг ойлгоно. Хоорондоо 3 см-ын зөрүүтэй хэмжээтэй зүйлүүдийг ялгана. Эвлүүлдэг дүрсээр байшин, сандал г.м хялбар бүтцийг хийнэ. 15-20 см-ын өргөн болон урттай зүйл дээгүүр явж чадна.

2 нас

Том хүний ярьж буй өнгөрсөн цагт болсон хялбар түүхийг ойлгоно. 3 үгнээс бүтсэн тэмдэг нэр, байршил заасан өгүүлбэрийг хэрэглэнэ. Өөр өөр өнгөтэй 3 - 4 зүйлийг хооронд нь ялгана. Тоглоомондоо хоорондоо холбоотой хялбар үйлдлүүдийг оруулна. 15 - 20 см өндөртэй саадыг хөлөө зөөн алхаж давна. Малгай, трико, үдээсгүй гутал зэргийг өөрөө өмсөнө.

эх сурвалж:  raisingchildren.net